• Helgi

Altjóða hondbóltskanón í Føroyum

Kielce úr Pólandi taptu Champions League finaluna eftir brotskast ímóti Barcelona fyrr í summar. Nú er nevndarformaðurin í Føroyum, og hvør veit um hann leitar eftir einum brotskastsskjútta til næstu finalu?


Kendur á Twitter


Tey sum plaga at fylgja við hondbólti á Twitter vita hvør maðurin er. Tað er Bertus Servaas, sum í gerandisdegnum er nevndarformaður í stórfelagnum Vive Kielce. Eitt gátuført "tweet" fekk nógv at steðga á, tá tey skrollaðu á Twitter í dag.



Bertus Servaas í eyðkendum lagið eftir Kielce hava vunnið.


One step closer


Soleiðis skrivar Servaas, við eini mynd av einum av flogførunum hjá Atlantic Airways. Tað gekk ikki leingi áðrenn fyrstu viðmerkjararnir byrjaðu at gita hví maðurin er í Føroyum.


Fólk gita, og spyrja hví, men hann er loyndarfullur í svarinum.


Viðmerkingarnar eru millum annað:

  • "Eg vóni at Skipagøtu passar í kuffertið"

  • "Óli Mittún?"

Um hann er komin at hyggja eftir hondbólti ella at ferðast, er óvist. Vónandi hann fer í hallirnar í Føroyum og sær hvussu vit ala so góðar leikarar á samlibandi. Servaas heldur kortini tætt at kroppinum og vil ikki svara greitt hví hann er í Føroyum, hóast hann ofta gevur slíka kunning til sínar fylgjarar á sosialu miðlunum.