Myndir: HM í Týsklandi fyri U21 menn. Føroyar - Angola 34-21 (18-8)

Føroyska liðið byrjaði sera væl í U21 HM hjá dreingjum við at vinna greiðan sigur á Angola, samstundis, sum allir leikarar komu ígongd við góðum avrikum

Harald Bjørgvin er til staðar í Magdeburg og hevur tikið hesar myndir:

Pauli Høj prátar við familjuna

Føroysku venjararnir saman við Elini Heðinsdóttir Joensen, forseta í ÍSF, Djóna Nolsøe Joensen, landsstýrismanni í barna- og útbúgvingarmálum og Gunn Ellefsen, forkvinnu í HSF

Hákun West av Teigum er vanur at skriva autografar

Bjarni í Selvindi var óheppin í einum nærdysti og fekk hol á høvdið

VÍF-ararnir, Kristoffur Bjørgvin og Kristian Jensen spældu báðir ein góðan dyst

landsliðini hava altíð góðan stuðul frá fjepparum - komandi dagarnar koma enn fleiri føroyingar til Týsklands at hyggja

Og føroyingarnir takka fyri stuðulin

Føroyar takka mótstøðuliðnum fyri dystin - tað var stórur munur á liðunum í dag

Bogi Hansen avloysti væl á høgri vongi

Sasha Lacok stóð sera væl í føroyska málinum

Øll byrjanaruppstillingin sum hon var, slapp at hvíla allan seinna hálvleik

Pauli Høj fær góðan skotvinkul, hóast trongt pláss í horninum

Sveinur Olafsson og føroyska verjan føroyska verjan høvdu gott tak á skjúttunum í dag

Brian Slyne kom inn og sýndi sítt hegni væl fram við snildum skoti

Rói á Skipagøtu hevði høvuðsleiklutin í føroyska álopinum í seinna hálvleiki

Stóra høllin í Magdeburg tekur 7.500 áskoðarar og er von at hýsa størstu stjørnunum í heiminum. Sunnudagin vann mansliðið úr Magdeburg Champions League

Elias E. á Skipagøtu gjørdi skjótt av. Spønaði mótstøðverjuna sundir, og setti seg á bonkin tá ið dysturin tíðliga var avgjørdur. Hann kom tó inn og settu øll brotskøstini trygt í netið

Tað er skjótt at koma illa fyri í hondbólti - Bjarni í Selvindi fekk eitt nú ein alboga í andlitið og mátti seymast