• Sjúrður

Vilhelm til danskan topphondbólt

Vilhelm Poulsen hevur skrivað trý ára sáttmála við Lemvig-Thyborøn

Í summar takkar Vilhelm Poulsen fyri seg eftir tvey ár í Reykjavík, og tekur næsta stigið á yrkisleiðini, tá ið hann flytur til Lemvig Thyborøn í fremstu donsku hondbóltsdeildini (Mynd: Bartal Jógvansson Djurhuus)

Komandi kappingarár verður enn ein føroyingur at síggja í fremstu donsku hondbóltsdeildini, tí føroyski høgri bakkurin, Vilhelm Poulsen, hevur skrivað trý ára sáttmála við Lemvig-Thyborøn.

Umframt stóran leiklut í landsdystunum í januar, hevur Vilhelm Poulsen havt eitt framúr kappingarár í íslendska Fram, haðani hann nú tekur fetið til danskan topphondbólt.


Tað kunngera bæði Fram og Lemvig-Thyborøn á sosialu miðlunum sunnudagin.


Serliga fyrstu mánaðarnar av kappingarárinum viðgjørdi Trok.fo gjøgnumbrotið hjá Vilhelmi Poulsen í Íslandi.

Les greinina, har Íslendingur millum annað kallar Vilhelm sín yndisleikara, við at trýsta niðanfyri.


Trok.fo: Vilhelm Poulsen er glóðheitur í Íslandi


Lemvig-Thyborøn liggur í løtuni í miðjuni - nummar 9 - í donsku HTH-liguni, og er serliga í stríði við Holstebro og Ribe Esbjerg um seinastu plássini í endaspælinum um Danmarksmeistaraheiti.

Lemvig Thyborøn hevur eitt stig upp til kappingarneytarnar á sjeynda og áttanda plássi.

Til ferðina longur upp ímóti danska hondbóltstindinum fær felagið so tilgongd frá føroyska toppskjúttanum í Íslandi, Vilhelmi Poulsen.


Toppskjúttarnir í íslendsku Ólisdeildini júst nú (hbstatz.is):



(Mynd: Hbstatz.is) 8. Februar var VIlhelm Poulsen aftur eyðsýndur í 29-27 sigri, og lámi føroyingurin var enn einaferð toppskjútti

Niðanfyri leinkja vit til facebook-uppsløgini hjá feløgunum báðum um Vilhelm Poulsen